នៅថ្ងៃសុក្រ ១៣រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី២១ ខែកុម្ភៈ ឆ្នាំ២០២០ តុលាការកំពូល និងមហាអយ្យការអមតុលាការកំពូល បានរៀបចំពិធីសន្និបាតបូកសរុបការងារ ឆ្នាំ២០១៩ និងទិសដៅការងារ ឆ្នាំ២០២០ របស់តុលាការកំពូល និងមហាអយ្យការអមតុលាការកំពូល ក្រោមអធិបតីភាព ឯកឧត្តមកិត្តិនីតិកោសល្យបណ្ឌិត ឌិត មុន្ទី ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញា នៃមហាអយ្យការអមតុលាការកំពូល។

នារសៀលថ្ងៃពុធ ៤រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី១២ ខែកុម្ភៈ ឆ្នាំ២០២០ លោកជំទាវ ជា លាង អគ្គព្រះរាជអាជ្ញានៃមហាអយ្យការអមតុលាការកំពូល បានអនុញ្ញាតអោយលោក Cheol-Kyu Hwang ប្រធានសមាគមរដ្ឋអាជ្ញាអន្ដរជាតិ និងសហការីចូលសម្ដែងការគួរសម និងពិភាក្សាអំពីកិច្ចការអយ្យការ កិច្ចសហប្រតិបត្តិការរវាង​មហាអយ្យការសាធារណៈរដ្ឋកូរ៉េខាងត្បូង និងកម្ពុជា និងចុងក្រោយសារៈសំខាន់ និងលទ្ធភាពនានាដែលអាចទទួលតាមរយៈការបណ្ដុះបណ្ដាល និងការកសាងមិត្តភាព​ពហុជំនាញបន្ថែមទៀតនៅពេលក្លាយជាសមាជិកសមាគមរដ្ឋអាជ្ញាអន្ដរជាតិ ។

នាព្រឹកថ្ងៃសៅរិ៍ ១០រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២១ ខែធ្នូ ឆ្នាំ២០១៩ ឯកឧត្តម ជីវ កេង អនុប្រធានតុលាការកំពូល និងជាប្រធានក្រុមការងារកំណែទម្រង់ហិរញ្ញវត្ថុសាធារណៈ តំណាងដ៏ខ្ពង់ខ្ពស់របស់ឯកឧត្តមកិត្តិនីតិកោសលបណ្ឌិត ឌិត មុន្ទី ប្រធានតុលាការកំពូល អញ្ជើញជា​គណៈ​​ធិបតីបើកសិក្ខាសាលាស្ដីពី “ប្រព័ន្ធបច្ចេកវិទ្យាព័ត៌មានគ្រប់គ្រងចំណូលមិនមែនសារពើពន្ធ និងការគ្រប់គ្រងទ្រព្យសម្បតិ្តរដ្ឋ” ។

នៅក្នុងក្របខណ្ឌនៃកិច្ចសហប្រតិបត្តិការក្នុងវិស័យតុលាការអាស៊ាន ឯកឧត្តម យូរ ឧត្តរា អនុប្រធានតុលាការកំពូលតំណាង​ឲ្យតុលាការកំពូលនៃព្រះរាជាណាចក្រកម្ពុជា បាន​ដឹកនាំ​គណៈប្រតិភូតុលាការកំពូលទៅចូលរួមក្នុងកិច្ចប្រជុំលើកទី៧ នៃក្រុមប្រឹក្សា​ប្រធានតុលាការកំពូលអាស៊ាន នៅព្រះរាជាណាចក្រថៃឡង់ដ៍ ពីថ្ងៃទី ២១-២៣ ខែវិច្ឆិកា ឆ្នាំ២០១៩ និងចុះហត្ថលេខាលើសេចក្តី​ប្រកាសទីក្រុងបាងកក​របស់ក្រុមប្រឹក្សាប្រធានតុលាការកំពូលអាស៊ាន ដែលក្នុងនោះរួមទាំងការប្រកាសចូលជាធរមាននៃធម្មនុញ្ញរបស់ក្រុមប្រឹក្សាប្រធានតុលាការកំពូលអាស៊ាន និងដាក់ឲ្យអនុវត្តធម្មនុញ្ញនេះ នៅក្នុងកិច្ចប្រជុំលើកទី៧ នេះ

នៅថ្ងៃទី ២១ ខែវិច្ឆិកា ឆ្នាំ២០១៩ នៅរាជបណ្ឌិត្យសភាកម្ពុជា សូមអបអរសាទរ និងគោរពជូនពរ ឯកឧត្តមកិត្តិនីតិកោសលបណ្ឌិត ក្នុងឱកាសដែលត្រូវបាន ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ប្រោសព្រះរាជទាននូវ គោរមងារកិត្តិយសដ៏ឧត្តុង្គឧត្តមនេះ ។

កាល​ពី​ថ្ងៃ​ទី​ ​៦-៧​ ខែ​វិច្ឆិកា​ ឆ្នាំ​២០១៩​ មហាអយ្យការ​អមតុលាការ​កំពូល​ បាន​រៀប​ចំ​កិច្ច​ប្រជុំ​សន្និសីទ​អគ្គ​ព្រះ​រាជ​អាជ្ញា​អាស៊ាន​-ចិន​ លើក​ទី​១២​ ក្រោម​ប្រធាន​បទ​ "​ តួនាទី​ព្រះ​រាជ​អាជ្ញា​ ក្នុង​ការ​ប្រយុទ្ធ​ប្រឆាំង​ការ​ជួញដូរ​មនុស្ស​ "​ ដែល​បាន​ប្រព្រឹត្ត​នៅ​​ខេត្ត​សៀមរាប​។

នៅ​ព្រឹក​ថ្ងៃ​អង្គារ​ ២រោច​ ខែ​អស្សុជ​ ឆ្នាំ​កុរ​ ឯកស័ក​ ព.ស២៥៦៣​ ត្រូវ​នឹង​ថ្ងៃ​ទី​១៥ ខែតុលា ឆ្នាំ២០១៩ នៅ​សួន​ច្បារ​ខាង​កើតវិមាន​ឯករាជ្យ​ គណៈប្រតិភូ​តុលាការ​កំពូល​ និង​មហាអយ្យការអមតុលាការកំពូល​ ដឹក​នាំដោយ​ លោក​ជំទាវ​ ជា​ លាង​ អគ្គ​ព្រះ​រាជ​អាជ្ញា​ នៃមហាអយ្យការអមតុលាការកំពូល​ តំណាងដ៏ខ្ពង់ខ្ពស់ ឯកឧត្តម ឌិត មុន្ទី ប្រធានតុលាការកំពូល​ បានអញ្ជើញចូលរួមថ្វាយកម្រងផ្កាគោរពវិញាណក្ខ័ន្ធ នឹង ថ្វាយមហាព្រះរាជកុសលខួបទី ៧ឆ្នាំ ការយាងចូលព្រះ​ទិវង្គត​នៃព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ១៥ តុលា ២០១២ - ១៥ តុលា ២០១៩

នាព្រឹកថ្ងៃព្រហស្បតិ៍ ៧កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី៥ ខែកញ្ញា ឆ្នាំ២០១៩ ឯកឧត្តម ​ឌិត​  មុន្ទី ប្រធានតុលាការកំពូល បានអនុញ្ញាតឲ្យគណៈប្រតិភូ JICA តំណាងដោយ លោកស្រី Isoi Miha ទីប្រឹក្សាជាន់ខ្ពស់ នៅទីស្នាក់ការធំ JICA ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ ដើម្បីពង្រឹងកិច្ចសហប្រតិបត្តិការក្នុងវិស័យច្បាប់ ។

ឯកឧត្តម យូរ ឧត្តរា អនុប្រធានតុលាការកំពូល តំណាងឲ្យតុលាការ​កំពូល​នៃព្រះរាជាណាចក្រ​កម្ពុជា​ បានដឹកនាំគណៈប្រតិភូតុលាការកំពូលកម្ពុជាទៅចូលរួមក្នុងកិច្ចប្រជុំប្រធានតុលាការកំពូលនៃបណ្តារដ្ឋជាសមាជិកនៃអង្គការសហប្រតិបត្តិការក្រុងសៀងហៃ(SCO) ក្នុងឋានៈជាដៃគូពិភាក្សា ​ដែល​បានប្រព្រឹត្តទៅពីថ្ងៃទី ១៦-២០ ខែមិថុនា ឆ្នាំ២០១៩ នៅទីក្រុងSochi នៃសហព័ន្ធរុស្សី និងធ្វើទស្សនកិច្ចសិក្សានៅប្រទេសបារាំងពីថ្ងៃទី២១-៣០ ខែមិថុនា ឆ្នាំ២០១៩

កាលពីថ្ងៃសៅរិ៍ ១២រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែមិថុនា ឆ្នាំ២០១៩ ឯកឧត្តម ជីវ កេង អនុប្រធានតុលាការកំពូល និងជាប្រធានក្រុមការងារកំណែទម្រង់ហិរញ្ញវត្ថុសាធារណៈ​តុលាការកំពូលអញ្ជើញជាគណៈធិបតី​បើក​សិក្ខាសាលាស្ដីពីការរៀបចំថវិកាកម្មវិធី នៅឯខេត្ត​កែប ។

នៅរសៀលថ្ងៃសុក្រ ១កើត ខែ ចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៥ ខែមេសា ឆ្នាំ២០១៩ ថ្នាក់ដឹកនាំ ចៅក្រម ព្រះរាជអាជ្ញា ក្រឡាបញ្ជី ព្រមទាំងមន្ត្រីរាជការតុលាការកំពូល និងមហាអយ្យការ អមតុលាការកំពូល បានរៀបចំពិធី សូត្រមន្តបួងសួងសុំសេចក្ដីសុខចម្រើន ក្នុងឱកាសអបអរសាទរទទួល​ទេវតា​ឆ្នាំថ្មី ឆ្នាំកុរ ឯកស័ក ព.ស ២៥៦៣ ដែលនឹងឈានចូលមកដល់ក្នុងពេលខាងមុខនេះ ។

នៅរសៀលថ្ងៃចន្ទ ៧កើត ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ១១ ខែកុម្ភៈ ឆ្នាំ២០១៩ ឯកឧត្តម ឌិត មុន្ទី ប្រធានតុលាការកំពូល បានអនុញ្ញាតឲ្យឯកឧត្តម Lorenzo GALANTI ឯកអគ្គរដ្ឋទូតថ្មីនៃប្រទេសអ៊ីតាលីចូលជួបសម្តែងការគួរសម នៅតុលាការកំពូល ដើម្បីរិតចំណងមិត្តភាព និងកិច្ចសហប្រតិបត្តិការនៃប្រទេសទាំងពីរ។

នៅថ្ងៃសុក្រ ៥រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ដែលត្រូវនឹងថ្ងៃទី២៥ ខែមករា គ.ស ២០១៩ តុលាការកំពូល និងមហាអយ្យការ អមតុលាការកំពូល បានរៀបចំពិធីសន្និបាតបូកសរុបការងារ ឆ្នាំ២០១៨ និងទិសដៅការងារ ឆ្នាំ២០១៩ របស់តុលាការកំពូល និងមហាអយ្យការអមតុលាការកំពូល ក្រោមអធិបតីភាព ឯកឧត្តម ឌិត មុន្ទី ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញា នៃមហាអយ្យការ អមតុលាការកំពូល ។

សន្និសីទតុលាការនៃបណ្ដាខេត្តជាប់ព្រំដែននៃប្រទេសកម្ពុជា វៀតណាម និងឡាវ លើកទី៥ ដែលបានប្រព្រឹត្តទៅអស់រយៈពេលពីរថ្ងៃ នៅសណ្ឋាគារសុខា រាជធានីភ្នំពេញ ចាប់ពីថ្ងៃទី១៤ ខែធ្នូ ឆ្នាំ២០១៨ ដល់ថ្ងៃទី១៥ ខែធ្នូ ឆ្នាំ២០១៨ ស្ដីពីប្រធានបទសំខាន់ៗដូចជា៖

១. “ការជួយគ្នាទៅវិញទៅមកក្នុងវិស័យព្រហ្មទណ្ឌ ដើម្បីចាត់ការលើបទល្មើសឆ្លងដែន”
២. “ចំណាត់ការលើវិវាទរដ្ឋប្បវេណីឆ្លងដែន”
៣. “ការវាយតម្លៃលើការអនុវត្តសេចក្ដីប្រកាសរួមដែលមានកន្លងមក និងរិះរកវិធីសាស្រ្ដក្នុងការពង្រឹងកិច្ចសហប្រតិបត្តិការឲ្យកាន់តែមានប្រសិទ្ធភាព នាពេលខាងមុខ” ។

នៅថ្ងៃសុក្រ ១៥រោច ខែកត្តិក ឆ្នាំច ព.ស. ២៥៦២ ត្រូវនឹងថ្ងៃទី ៧ ខែធ្នូ ឆ្នាំ ២០១៨ ឯកឧត្តម ឌិត មុន្ទី ប្រធានតុលាការកំពូលនៃព្រះរាជាណាចក្រកម្ពុជា បានទទួលជួបសំដែងការគួរសម និងពិភាក្សាការងារជាមួយឯកឧត្តម ជីប ជូឡាម៉ន (CHEEP Chullamon) ប្រធានតុលាការកំពូលនៃព្រះរាជាណចក្រថៃឡង់ដ៍ ដែលបានអញ្ជើំញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា

 តំណាងដ៏ខ្ពង់ខ្ពស់ ឯកឧត្តមប្រធានតុលាការកំពូល, ឯកឧត្តម ជីវ កេង អនុប្រធានតុលាការកំពូលនៃព្រះរាជាណាចក្រកម្ពុជា បានដឹកនាំគណៈប្រតិភូ ចូលរួមសន្និសីទតុលាការនៃអាស៊ីប៉ាស៊ីហ្វិក ស្ដីពីការសម្រេចសេចក្ដីផ្នែកបរិស្ថាន និងការប្រែប្រួលអាកាសធាតុ

ថ្ងៃទី១៥ ខែតុលា ឆ្នាំ២០១៨ ឯកឧត្តម ឃឹម ប៉ុណ្ណ អនុប្រធានតុលាការកំពូល តំណាងដ៏ខ្ពង់ខ្ពស់ ឯកឧត្តម ឌិត មុន្ទី ប្រធានតុលាការកំពូល ឯកឧត្តម ជីវ កេង អនុប្រធានតុលាការកំពូល និងឯកឧត្តម ឈួន ចាន់ថា អគ្គព្រះរាជអាជ្ញារង តំណាងមហាអយ្យការអមតុលាការកំពូល បានដឹកនាំ ចៅក្រម និងព្រះរាជអាជ្ញា ចូលរួមថ្វាយកម្រងផ្កាគោរពវិញាណក្ខ័ន្ធ នឹង ថ្វាយមហាព្រះរាជកុសលខួបទី ៦ឆ្នាំ

កាលពីថ្ងៃទី២៥ខែកញ្ញាឆ្នាំ២០១៨ ឯកឧត្តម ជីវ កេង អនុប្រធានតុលាការកំពូល និងជាប្រធានក្រុមការងារកំណែទម្រង់ហិរញ្ញវត្ថុសាធារណៈតុលាការកំពូល បានថ្លែងថាការអនុវត្តថវិកាកម្មវិធី ដែលបានដាក់អោយអនុវត្តដោយក្រសួងសេដ្ឋកិច្ច និងហិរញ្ញវត្ថុ ពុំមានភាពងាយស្រួលនោះទេ

ឯកឧត្តម យូរ ឧត្តរា អនុប្រធានតុលាការកំពូល តំណាងឲ្យតុលាការកំពូលកម្ពុជា បំពេញទស្សនកិច្ចផ្លូវការ នៅព្រះរាជាណាចក្រថៃឡង់ដ៍ ពីថ្ងៃទី ១១-១៤ ខែកញ្ញា ឆ្នាំ២០១៨ ដើម្បីពង្រឹងកិច្ចសហប្រតិបត្តិការក្នុងវិស័យតុលាការ នៃប្រទេសទាំងពីរ។

នាថ្ងៃព្រហស្បតិ៍ ១១រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៦ ខែកញ្ញា ឆ្នាំ២០១៨ លោកជំទាវ ជា លាង អគ្គព្រះរាជអាជ្ញានៃមហាអយ្យការអមតុលាកំពូល បានទទួលស្វាគមន៍គណៈប្រតិភូអយ្យការប្រជាជនខេត្តក្វាងស៊ីនៃសាធារណៈរដ្ឋប្រជាមានិតចិន ចូលជួបសម្ដែងការគួរសម និងពិភាក្សាការងារដើម្បីពង្រឹងកិច្ចសហប្រតិបត្តិការរវាងមហាអយ្យការនៃប្រទេសទាំងពីរ ។

ឯកឧត្តម យូរ ឧត្តរា អនុប្រធានតុលាការកំពូល តំណាងឲ្យតុលាការកំពូលកម្ពុជា ចូលរួមកិច្ចប្រជុំលើកទី ៦ នៃក្រុមប្រឹក្សាប្រធានតុលាការកំពូលអាស៊ាន នៅប្រទេសសិង្ហបូរី ពីថ្ងៃទី ២៦-២៨ ខែកក្កដា ឆ្នាំ២០១៨

សកម្មភាពរបស់ឯកឧត្តម យូរ ឧត្តរា អនុប្រធានតុលាការកំពូល តំណាង​ឲ្យ​តុលាការ​កំពូល​នៃព្រះរាជាណាចក្រកម្ពុជា នៅក្នុងកិច្ចប្រជុំប្រធានតុលាការកំពូលនៃបណ្តារដ្ឋជាសមាជិកនៃអង្គការសហប្រតិបត្តិការក្រុងសៀងហៃ(អង្គការ SCO) ក្នុងឋានៈជាដៃគូពិភាក្សា ដែលបានប្រព្រឹត្តទៅពីថ្ងៃទី ២៣-២៧ ខែឧសភា ឆ្នាំ២០១៨ នៅទីក្រុងប៉េកាំង នៃសាធារណរដ្ឋប្រជាមានិតចិន ។

នាព្រឹកថ្ងៃពុធ ៩កើត ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៣ ខែឧសភា ឆ្នាំ២០១៨ លោកជំទាវ ជា លាង អគ្គព្រះរាជអាជ្ញា អមតុលាការកំពូល ត្រូវបានអញ្ជើញជាអធិបតីភាពក្នុងពិធីបិទវគ្គវណ្ដុះបណ្ដាលមន្រ្ដីនគរបាលយុត្តិធម៌ជំនាន់ទី២២-២៣ នៃកងរាជអាវុធហត្ថ និងចែកសញ្ញាបត្រជាន់ខ្ពស់ជូនមន្រ្ដីនគរបាលចំនួន ៦៩រូប នៅសាលាកងរាជអាវុធហត្ថកំបូល ។

នាថ្ងៃច័ន្ទ ១រោច ខែពិសាខ ឆ្នាំច ព.ស. ២៥៦២ ត្រូវនឹងថ្ងៃទី ៣០ ខែមេសា ឆ្នាំ២០១៨ នៅតុលាការកំពូល ឯកឧត្តម យូរ ឧត្តរា អនុប្រធានតុលាការកំពូល បានទទួលជួបស្វាគមន៍ចៅក្រមតុលាការកំពូលនៃប្រទេសបង់ក្លាដេស និងជាចៅក្រមនៃតុលាការពិសេសជំនុំជម្រះក្តីលើបទល្មើសព្រហ្មទណ្ឌអន្តរជាតិ។

នៅរសៀលថ្ងៃព្រហស្បតិ៍ ៥រោច ខែ ចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៥ ខែមេសា ឆ្នាំ២០១៨ ថ្នាក់ដឹកនាំ ចៅក្រម ព្រះរាជអាជ្ញា ក្រឡាបញ្ជី ព្រមទាំងមន្ត្រីរាជការតុលាការកំពូល និងមហាអយ្យការ អមតុលាការកំពូល បានរៀបចំពិធី សូត្រមន្តបួងសួងសុំសេចក្ដីសុខចម្រើន

នាថ្ងៃព្រហ្បតិ៍ ៦ កើត ខែចេត្រ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី ២២ ខែមីនា ឆ្នាំ២០១៨ ឯកឧត្តម យូរ ឧត្តរា អនុប្រធានតុលាការកំពូល តំណាងដ៏ខ្ពង់ខ្ពស់ ឯកឧត្តម ឌិត មុន្ទី ប្រធានតុលាការកំពូល ទទួលស្វាគមន៍ប្រតិភូនៃរាជបណ្ឌិតសភាវិជ្ជាជីវៈតុលាការ និងសិស្សសាលាភូមិន្ទក្រឡាបញ្ជីជំនាន់ទី៥ ដែលចុះធ្វើកម្មសិក្សានៅតុលាការកំពូល និងមហាអយ្យការអមតុលាការកំពូល។

ថ្ងៃទី៨ មីនា ជាថ្ងៃរំលឹកទិវាសិទ្ធិនារី
នារីជាស្នូលសំខាន់ក្នុងការអភិវឌ្ឍជាតិគ្រប់វិស័យ មិនថាវិស័យតុលាការឡើយ
ក្រោមអធិបតីភាពឯកឧត្តម ជីវ កេង អនុប្រធានតុលាការកំពូលតំណាងដ៏ខ្ពស់ខ្ពង់របស់ឯកឧត្តម ឌិត មុន្ទី ប្រធានតុលាការកំពូល បានសំណេះសំណាលជាមួយចៅក្រម ព្រះរាជអាជ្ញា ក្រឡាបញ្ជី និងមន្រ្ដីតុលាការទាំងអស់ជានារី

ឯកឧត្តម យូរ ឧត្តរា អនុប្រធានតុលាការកំពូលកម្ពុជា តំណាងដ៏ខ្ពង់ខ្ពស់របស់ឯកឧត្តម ឌិត មុន្ទី ប្រធានតុលាការកំពូល បានទទួលជួបជាមួយលោកស្រី រ៉ូណា ស្មីត អ្នករាយការណ៍ពិសេសរបស់អង្គការសហប្រជាជាតិផ្នែកសិទ្ធិមនុស្សប្រចាំកម្ពុជាតុលាការកំពូល ថ្ងៃទី ៧ ខែមីនា ឆ្នាំ២០១៨

នៅថ្ងៃពុធ ១៤កើត ខែផល្គុន ឆ្នាំរកា នព្វស័ក ព.ស ២៥៦១ ដែលត្រូវនឹងថ្ងៃទី២៨ ខែកុម្ភៈ គ.ស ២០១៨ តុលាការកំពូល និងមហាអយ្យការ អមតុលាការកំពូល បានរៀបចំពិធីសន្និបាតបូកសរុបការងារ ឆ្នាំ២០១៧ និងទិសដៅការងារ ឆ្នាំ២០១៨ របស់តុលាការកំពូល និងមហាអយ្យការអមតុលាការកំពូល ក្រោមអធិបតីភាព ឯកឧត្តម ឌិត មុន្ទី ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញា នៃមហាអយ្យការ អមតុលាការកំពូល ។

នៅរសៀលថ្ងៃសុក្រ ទី០៧ ខែមេសា ឆ្នាំ២០១៧ ថ្នាក់ដឹកនាំ ចៅក្រម ព្រះរាជអាជ្ញា ក្រឡាបញ្ជី ព្រមទាំងមន្ត្រីរាជការតុលាការកំពូល និងមហាអយ្យការ អមតុលាការកំពូល បានរៀបចំពិធី សូត្រមន្ត អបអរសាទរបួងសួង ក្នុងឱកាសទទួលទេវតាឆ្នាំថ្មី ឆ្នាំរកា នព្វស័ក ព.ស ២៥៦១ ដែលនឹងឈានចូលមកដល់ក្នុងពេលខាងមុខនេះ ។

សន្និបាតបូកសរុបការងាររបស់ តុលាការកំពូល និងមហាអយ្យការអមតុលាការកំពូល ប្រចាំឆ្នាំ២០១៦ ដែលប្រព្រឹត្តទៅនៅថ្ងៃទី២៦ ខែធ្នូ ឆ្នាំ២០១៦ នៅរាជធានីភ្នំពេញ ក្រោមអធិបតីភាពដ៏ខ្ពង់ខ្ពស់ ឯកឧត្តម ឌិត មុន្ទី ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញា នៃមហាអយ្យការអមតុលាការកំពូល ។

កាលពីថ្ងៃទី ១៥-១៩ ខែសីហា ឆ្នាំ ២០១២ គណៈប្រតិភូតុលាការកំពូលប្រជាជនវៀតណាម បានធ្វើដំណើរទស្សនកិច្ចជាផ្លួវការដែលដឹកនាំដោយ ឯកឧត្តម ដាំង គ័ងហ្វឿង អនុប្រធានតុលាការកំពូល នៃសាធារណៈរដ្ឋសង្គមនិយមវៀតណាម ។

កាលពី​ព្រឹក​ថ្ងៃ​​ទី​១១ ខែឧសភា ឆ្នាំ ២០១១ ​​អង្គ​តុលាការ ​​​ទូទាំង​ប្រទេស ​​​បាន​នាំ​យក​អំណោយ​ចុះ​​​សួរ​សុខ​ទុក្ខ​​ ដល់​កង​កម្លាំង​​​មាន ​កង​​​នរគ​បាល​ជាតិ និងកង​​យោធ​​​ពល​ខេម​រ​ភូមិ​ន្ទ ​​​ដែល​កំពុង​​ឈរ​​ជើង​នៅ​​​​​​សមរភូមិ​​មុខ ​ទិស​ប្រាសាទ​ព្រះ​វិហារ​​ លើ​ទឹក​​ដីខេត្ត​​ព្រះ​វិហារ​ ។

នារសៀលថ្ងៃទី​ ១២ ខែ កញ្ញា ឆ្នាំ​ ២០១១ តុលាការកំពូល បានរៀបចំកម្មវិធីប្រកាសឲ្យ ប្រើប្រាស់ប្រព័ន្ធទិន្នន័យសាលដីការ បស់តុលាការកំពូល ដោយមានការចូលរួមពីថ្នាក់ដឹកនាំ​ ចៅក្រម ព្រះរាជាអាជ្ញា ក្រឡាបញ្ជី​ និង​មន្រ្តីរាជការមកពីសាលាឧទ្ធរណ៍ សាលាដំបូងរាជធានីភ្នំពេញ សាលាដំបូងខេត្តកណ្តាល ក្រសួង​យុត្តិធម៌ វិទ្យាស្ថានបូព៌ា-បច្ចឹមរបស់សហរដ្ឋអាមេរិក (EWMI-USAID) គម្រោងជំនួយយុត្តិធម៌ព្រហ្មទណ្ឌ នៅកម្ពុជា (CCJAP)និង មេធាវី ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ឌិត មុន្ទី ប្រធានតុលាការកំពូល លោកជំទាវ ជា លាង​ អគ្គព្រះរាជអាជ្ញា មហាអយ្យការអម តុលាការកំពូល និងលោក Flynn Fuller នាយកបេសកកម្មនៃ ទីភ្នាក់ងារសហរដ្ឋអាមេរិក។​

នាថ្ងៃទី ១៧​ ដល់ ២៣​ ខែ តុលា ​ឆ្នាំ២០១១ ឯកឧត្តម គង់ស្រ៊ីម អនុប្រធានតុលាការកំពូល តំណាងដ៏ខ្ពង់ខ្ពស់របស់ ឯកឧត្តម ឌិតមុន្ទី ប្រធានតុលាការកំពូល បានដឹកនាំគណៈប្រតិភូ តុលាការកំពូលនៃព្រះរាជាណាចក្រកម្ពុជា ទៅធ្វើទស្សនៈកិច្ច នៅសាធារណរដ្ឋសង្គមនិយមវៀតណាម តាមការអញ្ជើញរបស់ តុលាការប្រជាជនកំពូល​ នៃសាធារណរដ្ឋសង្គមនិយមវៀតណាម។

កាលពីថ្ងៃទី ០៧ ខែ កក្កដា ឆ្នាំ២០១១ កន្លងទៅនេះ ឯកឧត្តមឌិតមុន្ទី ប្រធានតុលាការកំពូល បានដឹកនាំគណៈប្រតិភូ តុលាការកំពូល នៃព្រះរាជាណាចក្រកម្ពុជា ក្នុងដំណើរការទស្សនៈកិច្ច ជាផ្លូវការនៅ សាធារណៈរដ្ឋប្រជាមានិតប្រជាធិបតេយ្យឡាវ តាមការអញ្ជើញរបស់ តុលាការប្រជាជនកំពូល នៃសាធារណៈរដ្ឋប្រជាមានិតប្រជាធិបតេយ្យឡាវ បន្ទាប់ពីដំណើរទស្សនៈកិច្ចរបស់ ឯកឧត្ដម ខាំមីសៃញ៉ាវង្ស អតីតប្រធានតុលាការប្រជាជនកំពូលនៃសាធារណរដ្ឋប្រជាមានិតប្រជាធិបតេយ្យឡាវ នៅព្រះរាជាណាចក្រកម្ពុជា កាលពីចុងខែមេសាឆ្នាំ២០១១ កន្លងទៅ។

សន្និសីទ តុលាការ នៃខេត្តទាំងឡាយជាប់ព្រំដែន កម្ពុជា-វៀតណាម-ឡាវ ស្តីពីការពង្រឹង កិច្ចសហប្រតិប​តិ្តការ ក្នុងការប្រយុទ្ធប្រឆាំងបទល្មើសឆ្លងដែន។ សន្និសីទនៃកិច្ចសហប្រតិបត្តិការ តុលាការកំពូល រវាងតុលាការ បីប្រទេស កម្ពុជា-ឡាវ-និងវៀតណាម បានប្រព្រឹត្តទៅ នៅព្រឹកថ្ងៃទី ២៧ ខែ តុលា ឆ្នាំ ២០១២ នៅខេត្ត​សៀមរាបអង្គរ ព្រះរាជាណាចក្រកម្ពុជា។